Os axentes da Policía Local estiveron desde o minuto un desta crise sanitaria en primeira liña, velando pola seguridade de todos e todas e garantindo o cumprimento das diversas medidas que se foron implantando para loitar contra o coronavirus.
Por iso, o Concello vén de anunciar a solicitude de adhesión a un convenio firmado pola Fegamp e pola Xunta de Galicia para poñer en marcha un programa de control da Covid19 entre os efectivos da Policía Local, tanto policías como auxiliares.
Deste xeito, realizaránselle aos axentes test de detección de Covid19 por parte do Sergas. En función do resultado dos mesmos e da presenza ou non de sintomatoloxía, o facultativo correspondente poderá tomar a decisión de completar o proceso de acordo co protocolo clínico vixente a día de hoxe nos hospitais públicos galegos.
